By: Roldan Villareal | December 6, 2022
Gin aprubahan sang Korte sa Taguig ang petisyon sang actor nga si Vhong Navarro nga makapiyansa para sa temporaryo nga kahilwayan sa ginapangatubang sini nga kaso nga pagpanghimulos.
Sa 17 ka panid nga desisyon ni Judge Loralie Cruz Datahan sang Regional Trial Court (RTC) Branch 69, gintalana sa P1 milyon ang piyansa ni Navarro.
Nahibaluan nga nag file pa sang petisyon sa korte ang kampo sang actor bangud sa masami, wala sang piyansa ang kasubong nga kaso sa Pilipinas. Naglab-ot pa sa lima ang bail hearings antis naka desisyon ang korte.
Matandaan nga sang Setyembre 19 nag sungka sa National Bureau of Investigation (NBI) si Navarro matapos mag isyu ang korte sang warrant of arrest sa separado nga kaso nga “acts of lasciviousness.” Apang nag guha ang separado nga warrant sa kaso naman nga pagpanghimulos.
Nobyembre sang ginsaylo nagikan sa NBI padulong sa Taguig City Jail ang actor apisar sang pagpamatok sang pamilya sini bangud sa pamahog sa iya seguridad.
Sa karun ginahulat na ang pormal nga pag piyansa sini para sa temporaryo nga kahilwayan.
