By: Jolito Valles Borda | January 8, 2023
Ginkumpirmar kag ginsapubliko sang mag utod nga ONE Champions Angela kag Christian Lee ang kamatayon sang ila manghud kag MMA uprising star nga si Victoria Lee sa edad nga 18-anyos.
Wala naman ginpahayag sang pamilya Lee ang gintunaan sa kamatayon ni Victoria sadtong Disyembre 26 sang nakaligad nga tuig.
Mahibaluan nga may natalana pa nga sambuwa si Victoria sa maabot nga Enero 14 batok kay Zeba Bano sang India sa Bangkok, Thailand.
May kartada nga 3-0 si Victoria rason nga ginakabig ini nga prodigy sa ONE Championship kaangay sang iya mga magulang.
Madamo naman ang nakig-unong sa kamatayon sini lakip na ang mga Pinoy MMA Fighters.
