By: Abe Ballos | January 6, 2023
Paga-piliton sang Barangay Ginebra na makalapit sa korona, apang luyag ni coach Tim Cone nga maghampang si Andrew Nicholson para sa guest team nga Bay Area.
Nag-angkon ang 6-foot-10 nga Canadian import sang left sprain ankle sa ulihi nga 34 segundo sang 89-82 nga pagresbak sang Gin Kings sa Dragons sa Game Three sang 2022-2023 PBA Commissioner’s Cup sang Miyerkules.
Ini matapos nga natapakan sang anay NBA player ang tiil ni Jamie Malonzo sa ila agawan sa rebound.
Determinado ang Ginebra nga mapatindog ang daku nga 3-1 lead kontra sa Bay Area subong nga alas-5:45 sang hapon sa Game Four sang ila nga best-of-seven championship series.
Liwat nga maga-hugot sang kusog ang Gin Kings sa ila mga diehard fans sa pagsambuwa sa Dragons kapareho sang natabo sa Game Three sa diin sila ang nakabalik guikan sa 14-point deficit sa third period.
Samtang , guin-pamulta sang PBA si Myles Powell sang P100,000 bangud sa makahang nga komento sini sa social media tuhoy sa officiating sa Game Three.
Ini matapos nga guinhatagan lang ang Dragons sang 10 ka free throws kag natawagan sang 28 ka mga fouls samtang guinhatagan naman sang 38 ka free throws ang Gin Kings nga may 12 ka mga fouls.
Guin-pamulta man sang PBA si Dragons’ guard Hayden Blankey sang P75,000 bangud sa pagkabig sa nasambit nga hampang nga “luto”ukon “ihaw” sa lenggwahe sa kalye.
