By: Joshua Kenneth Anas | December 5, 2022
Nakaabot sa 60-year-old comedian nga si Dennis Padilla ang mga ginpahayag sang anak sini nga si Leon Barreto nga handa siya nga mag-ayuhay sila sang iya nga estranged father.
Ang pahayag sang iya bata sa estranged wife nga si Marjorie Barreto ang rason sang liwat naman nga pagka-emosyunal ni Dennis ilabi pa nga nagahilapit na ang Paskwa.
Suno sa aktor, ‘Christmas wish’ niya nga maka-istorya sang personal kag maghilisugot sila sang mga anak nga sanday Julia, Claudia, kag Leon.
Pahayag pa sini nga tuman ka sakit sang nagbulagay sila ni Marjorie kag ginkuha sa iya ang kabataan apang mas nangin ‘torture’ pa gid sa iya balatyagon ang pag-untat sang ila nga ‘communication’.
Aminado naman ang aktor nga may mga higayon sadto nga ginataasan niya sang tinog kag nakabungad siya sang indi manami nga mga tinaga sa iya kabataan sa telepono apang suno sa iya indi ini patimaan nga nagatanom siya sang kaakig bangud nahimo niya lamang ini sadtong ‘out of frustration’.
