By: Joshua Kenneth Anas | December 16, 2022
Nahangawa ang mga abyan kag tagasuporta sang OPM legend nga si Gary Valenciano sang mag-post ini sang cryptic message sa social media.
Ini matapos mag-tweet ang Mr. Pure Energy nga kasubong nagapatuhoy sa estado sang kondisyon sang iya ikaayong-lawas.
Sa amo nga post, nagapangayo sang ‘milagro’ ang veteran actor-singer sa Ginoo nga kuntani magiyahan siya sa mga masunod nga inadlaw agud malampuwasan ang iya ginaagyan sa karon.
Dugang pa sini nga pangabay nga kuntani padayon niya nga mabatyagan ang matuod-tuod nga kahulugan sang Paskwa sa pihak sang mga pagtilaw.
