By: Joshua Kenneth Anas | December 15, 2022
Wala pa sa pinsar sang premyado nga aktres nga si Nadine Lustre ang pagbusong kag pag-angkon sang mga kabataan.
Pahayag sang dalaga nga ‘in a relationship’ sa karon sa Filipino-French businessman boyfriend nga si Christopher Bariou, wala pa sa iya mga plano ang mangin mommy.
Chika sang aktres, pagtuntong sini sang edad nga 30 sa masunod nga tuig, magapabilin sa gihapon ang iya prayoridad sa kabuhi – ang iya career kag pamilya.
Sa karon suno sa dalaga yara pa sa iya ‘headspace’ nga kun may mga kabataan siya, wala pa ini nakahibalo kun paano niya ini buhion.
Nagapati man ini nga madamo sang kabataan sa kalibutan nga indi masarangan alagaan sang ila ginikanan gani kun makaangkon man siya sang bata, mas pilion sini ang mag-adopt.
