By: Joshua Kenneth Anas | December 8, 2022
“Huwag niyo nang i-push” – ini ang ‘chika’ ni Sunshine Cruz sang ginpamangkot natuhoy sa iya nga ‘lovelife’ nga patimaan nga nagalikaw ini nga maistoryahan ang nasambit nga butang.
Apat ka bulan na ang nakaligad humalin sang naglupok ang balita nga bulagay na sanday Sunshine kag San Juan City Councilor Macky Mathay.
Apang tubtob sa karon, wala pa nagahatag sang pahayag ukon naga-post man lang sa social media ang aktres natuhoy diri.
Sang ginkumusta naman siya sa isa ka launching sang iya bag-o nga endorsement, ginpahayag ni Sunshine nga ‘okay’ siya sa karon kag ‘okay’ siya sa tanan nga oras.
Nag-istorya man ini natuhoy sa importansiya sa pagpalangga sa iya nga kaugalingon.
Nagayuhom man ini nga nagsabat sang gin-usisa kun may nagapalangga sa iya sa karon kag iya sabat amo ang iya nga kabataan, iloy, pamiya, kag mga abyan.
