By: Jan Patrick Armiza | December 12, 2022
Nagakalangkag na ang mga tumalan-aw kag basketball fans nga makakuha sang tickets matapos gin-anunsyo sang International Basketball Federation (FIBA) ang hinampang sang Team USA sa pungsod Pilipinas.
Ini ang kabahin sang ‘group games’ sa pagahiwaton nga 2023 FIBA World Cup, kun sa diin magapasakop man ang Slovenia sa Japan, kag ang Canada sa Indonesia.
Ang nasambit nga hinampang ang makonsiderar nga ‘once in a lifetime opportunity’ para sa mga tumalan-aw, bangud man sa mga NBA Superstars nga posible magapasakop sa hubon sang USA, kasubong kanday Kemba Walker, Jayson Tatum, Donovan Mitchell, Khris Middleton, kag iban pa.
