By: Jolito Valles Borda | December 11, 2022
Kritikal ang isa ka babaye samtang duha pa ang pilason sa ginaalegar pagbungguanay sang motorsiklo kag salakyan sa Barangay Baybay, Roxas City.
Sa pagpangusisa sang Radyo Bandera Roxas sa lugar, ginkilala ang driver sang motorsiklo nga napilasan nga si Ervin Burrio sang Barangay Concencia banwa sang Panitan.
Samtang kritikal ang angkas sini nga babaye nga wala pa ginhingadlan lakip man nga napilasan ang isa pa sini ka angkas nga lalaki.
Ginaalegar nga madasig ang pagpadalagan sang driver sang salakyan nga Toyota Vios nga nagta-as naman ang alta-presyon sang natabo ang aksidente.
Lunsay gindapatan sang pagbulong ang mga biktima nga gilayon ginpadangat sa ospital.
Nagapadayon pa sa karon ang imbestigasyon sang kapulisan angut sa nasambit nga aksidente.
