By: Roldan Villareal | January 8, 2023
Gin-dispose na ang mga nakumpiskar nga palupok sang kapulisan sa probinsya sang Capiz.
Sa isa ka programa kahapon nga adlaw sa Capiz Police Provincial Office (CPPO), ginpangunahan ni Police Colonel Jerome Afuyog, Jr. ang pag-dispose sa masubra 1,000 ka unlabeled nga firecrackers kag 282 ka mga boga.
Ginbasa sang tubig ang mga palupok kag ginpatapak naman sa salakyan ang mga boga.Nahibaluan nga apisar ginpasangkad ang kampanya batuk sa palupok, naglab-ot sa gihapon sa 15 ang nabiktima sa probinsya sang Capiz.
Wala naman sang nabalhag nga biktima sang layaw nga bala. | Photos by Capiz PPO
