By: Roldan Villareal | January 6, 2023
Nagdangat na sa 15 ang nabalhag nga fireworks related injuries sa probinsya sang Capiz.
Sa report nagikan sa Provincial Health Office (PHO), tatlo ang nabalhag sa banwa sang Tapaz, tig-duha ka kaso sa banwa sang Ivisan, Panay, Panitan, Roxas, kag tig-isa naman ka kaso sa Jamindan, Mambusao, Pontevedra, kag Sigma.
Basi sa report, nagsaka sang 7.14 porsyento ang nabalhag sini nga 2022 nga nabiktima sang palupok ikumparar sa 14 ka mga nabiktima sang 2021.
Isa sa nalukpan ang nautdan sang tudlo, duha ang naka angkon sang eye injury, kag 12 ang naka angkon sang paso. | File photo
