By: Joshua Kenneth Anas | January 8, 2023
Nagsugod na ang konstruksyon sang Peoples Park Redevelopment Project sa Barangay Baybay, Roxas City.
Personal nga ginlibot kag ginbisita ni Mayor Ronnie Dadivas ang lugar agud magpatigayon sang inspeksiyon sa panugod nga trabaho sa implementasyon sang proyekto.
Mahibaluan nga may 360 ka adlaw nga target sa pagkumpleto sang nasambit nga proyekto.
Lauman suno sa alkalde nga sa pagsugod sang Hunyo sa ini nga tuig, makit-an na ang maayo nga resulta sang pagkaayo kag pagpatahum sa nasambit nga lugar.
