By: Jolito Valles Borda | November 13, 2022
Patay ang 71-anyos nga pasahero samtang pilason naman ang driver matapos nga ginbungguan sang kasugata nga motorsiklo ang ginasakyan nga tricycle sa Barangay San Fernando, Pilar, Capiz alas 6:10 ang takna kagab-i.
Sandig sa imbestigasyon sang Pilar PNP, ginkilala ang napatay nga si Erlinda Malinao samtang ang pilason nga driver amo si Loreto David 75-anyos nga lunsay residente sang Barangay Dulangan sang nasambit nga banwa.
Ginapahayag nga naglapaw sa linya ang driver sang motorsiklo nga si Jaypee Pacifico 20-anyos sang Barangay Lantangan, Pontevedra rason nga nagbunggo sa tricycle sang mga biktima.
Bangud sa makusog nga impact sang pagkabunggo, tumampilak sa karsada ang pasahero nga si Malinao nga nag-angkon sang patal nga pilas sa lawas kag gilayon ginpadangat sa ospital apang ini ang gindeklarar nga dead on arrival sang doktor.
Nag-angkon man sang pilas sa magkatuhay nga parti sang lawas si David lakip na ang driver sang motorsiklo nga ginrespondihan sang rescue team sang banwa kag ginpadangat sa ospital.
Mahibaluan nga halin sa banwa ang mga biktima kag papuli na sa ila puloy-an sang makasugata ang motorsiklo nga ginaalegar madasig ang pagpadalagan.
Nagapadayon pa sa karon ang imbestigasyon sang kapulisan angut sa nasmabit nga insidente.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ!
