By: Jolito Valles Borda | November 28, 2022
Ginpa-demolish sang lokal nga gobyerno sang Sigma ang isa ka balay nga yara sa higad sang suba sa Barangay Poblacion Norte sang nasambit nga banwa.
Sa interview sang Radyo Bandera Roxas kay Municipal Mayor Dante Eslabon, nag-agi sa nagakaigo nga proseso ang ila ginpatigayon nga demolisyon sa balay kag restaurant sang pamilya Calderon.
Dugang pa sang Alkalde nga ang pamilya Calderon lamang ang nagpakatig-a sa paghalin bangud ginaalegar sang mga ini nga may yara sila sang nagakaigo nga dokumento sa pagpamatuod nga sila ang nagapag-iya sang porsyon sang amo nga lugar.
Mahibaluan nga 11 na ka pamilya ang bulontaryo nga nagpangwasak sang ila balay bangud nga nagapati ang mga ini nga delikado ang ila pag-istar sa lugar kag wala sang ginahawiran nga dokumento nga nagapamatuod nga sila ang tag-iya sang nasambit nga duta.
Ginpanindugan man ni Eslabon nga legal ang ila ginpatigayon nga demolisyon bangud may yara ini sang otoridad sa pagpa-demolish sang isa ka propidad kag indi na kinahanglan ang court order.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ!
