By: Jolito Valles Borda | January 5, 2023
Gintupok sang kalayo ang balay sang isa ka social worker sa Sitio Nasagud, Barangay Lanot, Roxas City.
Ginkilala ang tag-iya sang balay nga si Ruel Lauriano kag residente sang nasambit nga lugar.
Sa interview sang Radyo Bandera Roxas kay Lauriano, ginpukaw na lamang ini sang iya kaupod nga nagakasunog na ang ila balay.
Suno kay Lauriano, naghalin sa banyo ang kalayo nga nagtupok sa bilog sini nga puloy-an.
Wala naman sang nasalbar nga gamit si Lauriano bangud sa madasig nga paglapta sang kalayo kag totally burned gid ang bilog sini nga balay.
Nagapadayon naman ang imbestigasyon sang Bureau of Fire Protection Roxas angut sa nasambit nga sunog.
