By: Jolito Valles Borda | November 16, 2022
Nasapwan nga patay ang 52-anyos nga bantay sang punong sa suba sang Barangay Agsilab, Sapian, Capiz pasado alas 9 kaina sang aga.
Sa iniyal nga imbestigasyon ni Police Staff Sergeant Gevie Villasis, imbestigador sang Sapian Municipal Police Station, ginkilala ang biktima nga si Rolly Aldea, residente sang Barangay San Fernando Pilar apang temporaryo nga nagapuyo sa Sitio Apugan, Barangay Agtatacay Norte sang nasambit nga banwa.
Suno kay Villasis, lunes pa sang gab-i ulihe nakit-an ang biktima sang iya bata nga kaupod pa sa iliman sa Sitio Gibongan, Barangay Lonoy nga tabuk lamang sang ila ginabantayan nga punong.
Ginapahayag nga nagpauli ang biktima apisar nga yara na sa impluwensya sang makahulubog nga ilimnun kag wala na ini makit-an pagka-aga martes nga adlaw.
Nagpati naman ang 27-anyos nga bata sang biktima nga nagpauli lamang ini sa isa ka payag nga ila ginadayunan apang ini mismo ang nakakita kaiana nga wala na sang kabuhi ang iya amay sa bakhawan sang nasambit nga suba.
Ginapatihan sang pamilya nga posibli naubon ang ginsakyan nga baroto sang ila amay kag nalumos bangud nga ini ang naka-inum kag hubog na.
Yara na karon sa punerarya ang bangkay sang biktima nga nagaka-agnas na sang nasapawan.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini ang gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ
