By: Jolito Valles Borda | November 20, 2022
Tuman ang kalipay sang guwardiya nga nakit-an na ang iya bisiklita nga ginkawat kag gindala sa Barangay San Jose, Roxas City.
Suno kay Rolando Dasilag, hepe sang tanod sang nasambit nga barangay, nabati-an sang kaupod sini nga tanod nga ginapanawagan sa Radyo Bandera Roxas ang isa ka unit sang Mountain Bike nga naga-angid naman sa iya nakita nga ginasakyan sang isa nila ka residente.
Gilayon sang mga ini nga ginpadulongan kag nakumpirmar kay alyas Jojo Calipayan ang amo nga bisiklita nga ginapahayag ginkuha man sa iya sang tricycle driver nga si alyas Abeb.
Positibo nga nakuha ang bisiklita sa paghinakop sang tricycle driver nga natalana man sini iturn-over sa barangay bangud nagapati ini nga kinawatan ni Calipayan ang amo nga bisiklita.
Yara pa karon sa kustodiya sang barangay ang bisiklita kag natalana nga pagakuhaon ni SG Brian Artates bwas nga adlaw dala ang nagakaigo nga dokomento nga nagapamatuod ini ang tag-iya.
Yara pa karon sa kustodiya sang barangay ang bisiklita kag natalana nga pagakuhaon ni SG Brian Artates bwas nga adlaw dala ang nagakaigo nga dokomento nga nagapamatuod ini ang tag-iya.
