By: Roldan Villareal | December 13, 2022
Nagtapos bilang 3rd runner up ang Capiznon lady rider sa ladies scooter 125cc category sa bag-o lang nagtakop nga Federation of International Motorcycle Asia Cup Inside Racing Grand Prix sa Tarlac Circuit Hill sang tinalikdan nga Disyembre 10 tubtob 11, 2022.
Ini ang labing una nga kahigayunan nga nagpasakop sa amo nga palumbaanay ang Capiznon nga si Cheyenne Ban kag nagtapos sa ikatatlo nga puwesto.Suno kay Ban, handum sini sa karun nga mapa ambit ang iya natun-an sa mga naga motor sa probinsya sang Capiz agud malikaw ang mga ini sa katalagman kag mangin resposable sa pag maneho.
Pamaagi man ini nga ilabi pa mapakilala ang probinsya bilang isa ka motorcycle province.
