By: Jolito Valles Borda | December 11, 2022
Hilway nga nagbun-ag ang isa ka ginang sa bulig sang isa ka pulis sa banwa sang Pilar alas 7 kaina sang aga.
Sa bulig ni Patrolman Ivan Ruz Alcazaren aktibo nga miyembro sang Pilar PNP, nagbun-ag sang mapagros nga baby boy ang wala na ginhingadlan nga Misis nga residente sang nasambit nga banwa.
Mahibaluan nga naalangan na sa pagpadulong sa Rural Health Unit ang nasambit nga ginang samtang sakay sa tricycle kag amat-amat na gaguha ang iya bata.
Bangud nga yara sa lugar si Patrolman Alcazaren, gilayon sini nga ginbuligan ang ginang kag hilway nga ginbun-ag ang iya bata.
Nagrespondi man sa lugar ang RHU kag ginturn-over ni Alcazaren ang baby sa midwife nga nagaduty.Tuman naman ang pagpasalamat sang ginang sa bulig nga ginhimo sang pulis.