By: Jolito Valles Borda | December 7, 2022
Tuman ang paghinulsol sang 46-anyos nga guwardiya sa ginhimo nga paglabu-patay sa iya kaugalingon nga magulang sa Barangay Malocloc Norte, Ivisan, Capiz.
Suno sa suspek nga si Dioscorro Bacarro, masami ini nga ginapahug sang biktima nga si Tomas Bacarro 61-anyos nga subang sa ila nga mag-ulutod.
Dugang pa ni Dioscorro, ginahingabot gid ini sang iya magulang kag nag-abtanay gid ang mga ini kahapon, rason nga nahimo sini ang brutal nga pagpatay.
Depensa naman sang suspek nga wala gid sini mapunggan ang kaakig kay Tomas kag nadugangan pa sang ini ang ginpalukpan sang armas-luthang lakip na ang isa pa sini ka magulang nga nagtambag lang sa ila kinagamo.
Wala man nagpalagyo sa kapulisan si Dioscorro kag ginsungka ang iya kaugalingon.
Nagapabilin ini karon sa karsel sang Ivisan Municipal Police Station kag natalana nga pasakaan sang nagakaigo nga panumbungon.
