By: Roldan Villareal | December 12, 2022
Nakahunong na sa karsel sang President Roxas Municipal Police Station ang isa sa mga suspetsado sa nagluntad nga pagpangluthang kag pagpang-holdap kaina sang aga sa Barangay Lawaan, Roxas City.
Sa impormasyon nga nabaton sang Radyo Bandera Roxas, ginkilala ang nadakpan nga si William Deocampo alyas Tabot, residente sang Barangay Jolongajog, Pontevedra.
Sa karun gina usisa na sang mga imbestigador kun sin-o ang mga kaupod ni Deocampo sa pagpang-holdap.
Ini ang positibo nga ginatudlo sang mga nakasaksi nga amo mismo ang nagluthang sa mga biktima nga padayon pa sa karun nga ginabulong sa ospital.
