By: Jolito Valles Borda | January 6, 2023
Naglab-ot kapin sa P700,000.00 nga balor sang droga ang nakumpiskar sang Roxas City Police Station sa sulod sang tuig 2022.
Ini ang ginpahayag ni Police Senior Master Sergeant Ramil Arcangeles, tagpamaba sang Roxas City PNP sang ma-interview sang Radyo Bandera Roxas.
Suno kay Arcangeles, nagdangat sa 99.18 gramos sang droga ang nakumpiskar sa 16 tanan ka operation sang kapulisan kag 18 ka persona ang nagkaladakpan.
Lunsay napasakaan naman sang panumbungon ang mga na-aresto.
Talalupangdon nga nagnubo ang balor sang droga kag numero sang drug personality nga nagkaladakpan ikumparar sang tuig 2021.
