By: Jolito Valles Borda | January 5, 2023
Nakastigohan ang 22-anyos nga lalaki matapos nadakpan nga nagpangawat sa Purok 2, Barangay Libas, Roxas City.
Ginkilala ang nadakpan nga si Kent Villanueva kag residente sang nasambit nga barangay.
Sandig sa imbestigasyon sang kapulisan, ginsulod ni Villanueva ang balay ni Reynaldo Bocala kag gintaban ang cellphone nga naka-charge.
Apang ini ang namutikan ni Bocala kag ginpunggan nga makapalagyo ang suspek tubtob nga nakapangayo sang respondi sa kapulisan.
Nakuha sa paghinakop ni Villanueva ang ginkawat sini nga duha ka cellphone, 2 wallet, 2 sachets sang ginaalegar shabu, cal .38 nga armas-luthang, bundle sang plastic sachets kag P6,579 nga cash.
Mahibaluan nga maka-pila na nabilanggo si Villanueva bangud sa pagpangawat rason nga ini ang ginakabig nga gabunan nga kawatan sa syudad sang Roxas.
