By: Jolito Valles Borda | December 19, 2022
Pilason ang 25-anyos nga lalaki matapos nga ginluthang sa Barangay Atiplo, Mambusao, Capiz.
Sandig sa imbestigasyon sang Mambusao PNP, ginkilala ang biktima nga si Ian Rufino, samtang ang ginatudlo nga suspek amo ang magpakaisa nga sanday Rey Ledesma, Jose Ledesma, Charles Ledesma kag alyas Bongbong Ledesma nga lunsay residente sang nasambit nga lugar.
Ginapahayag nga ginpadulungan sang mga suspek ang balay sang biktima kag ginatudlo nga si Rey Ledesma ang nagpangamot sa pagpangluthang.
Maswerte nga daplis lamang sang bala sa alatrasan ang naangkon sang biktima sa pagpangluthang sang suspek.
Narekober sa lugar ang tatlo ka basiyo sang wala pa matumod nga armas-luthang.
Nakaguha naman sa ospital ang biktima matapos nga gindapatan sang pagbulong samtang nagapabilin nga nakapalagyo ang mga suspek.
