By: Abe Ballos | November 27, 2022
Nangin madinalag-on ang guinpatigayon nga 1st Annual Capiz Bicycle Day Celebration kahapon , Nobyembre 26, 2022,nga may tema Capiz para sa Dunang manggad.
Malapit naman 500 ka mga siklista ang nagpasakop guikan sa 1st kag 2nd District sang probinsiya lakip na ang Roxas City sa diin ang kick-off area ang guikan sa Panay kag Ivisan kag nangin starting line naman amo Kapitolyo Probinsiyal.
Bilang dinapit nga bisita, guinpasalamatan naman ni Governor Fredenil Castro ang mga nagpanikasog subong man nag-organisar sang Capiz Bicycle Day sa madinalag-on nga pagsugod.
Malipayon nga guindayaw kag guin-panginbulahan sang gobernador ang nasambit nga aktibidades sa diin nakit-an sini ang paghugpong sang mga siklista sa Capiz nga isa ka pamaagi agud mapahilayo sa anuman nga bisyo ang mga kabataan.
Pamaagi man ang pag-bisekleta nga ma-mentinar ang maayo nga panglawason subong man ang pag-amlig sa dunang manggad pinaagi sa pag-eleminar sang aso nga nagadala sang polusyon sa aton nga palibot.
Samtang, guinkalipay naman ni BM Aldwin Cruz-am nga nahatagan sang hustisya ang Ordinansa nga guinpapasar ni BM Elmer Arevalo sa diin pormal na nga nasuguran anmg labing una nga pagselebrar sang Bicycle Day sa Capiz.
Nagpasakop man sa nasambit nga hilikuton sanday BM Ging-Ging Almalbis, BM Gilbert Ardivilla, BM Elmer Arevalo kag City Councilor Rey Magallanes.
Guinpadala naman ni Roxas City Mayor Ronnie Dadivas si Mr. Glenn Amane bilang representante , sa diin sa mensahe sini , guinpahayag sang alkalde nga bug-os ang pagpakig-upod sang Roxas City Govt. sa nasambit nga hilikuton.
Bilang partner sang Provincial Govt. maliupayon man ang nagpasimuno nga Rotary Club of Iloilo South-Satelite, Iloilo South Pueblo De Panay sa madinalag-on nga panigod sang nasambit nga aktibidad.
Guinapasalamatan naman ni David Mcbride, Rotary Club of Iloilo South-Satelite- Chairperson ang tanan nga nagpasakop sa nasambit nga kahiwatan sa diin ang proceeds sang nasambit nga hilikuton ang magapadulong sa isa ka proyekto sa banwa sang Maayon.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ!
