By: Ej Arboleda | December 5, 2022
Nakabaton sang bulig pinansyal gikan sa gobyerno probinsyal ang tatlo ka anay rebelde nga nagsungka sa probinsya sang Capiz.
Ginpangunahan ni Governor Fredinel “Oto” Castro ang paghatag sang bulig pinansyal nga nagabalor sang P10,000 para sa pag-umpisa sang ila pangabuy-anan.
Ginrepresentar naman ini ni 1st Lieutenant Dutch Herald Magon sang 12th Infantry Battalion sang Philippine Army kaupod sanday Provincial Social Welfare and Development Office Head Nieva Camposano kag Joren Tan- Social Welfare Office 3.
Ginkalipay naman sang Gobernador ang pagbalik sa sabak sang gobyerno sang anay mga rebelde.
Mahibaluan nga ang mga nagsungka nga anay rebelde nag mapa-idalom sa Enhanced Comprehensive Local Integration Program (ECLIP) sang gobyerno.
