By: Joshua Kenneth Anas | November 27, 2022
Magapatuman sang hugot nga seguridad ang mga kapulisan sa nagahilapit nga selebrasyon sang Sinadya 2022 Pista sang Immaculada Concepcion sa Roxas City nga magasugod sa Disyembre 3 kag magalawig tubtob Disyembre 10, 2022.
Sa ginpatawag nga pulong-balitaan ni Mayor Ronnie Dadivas, ginpasiguro ni Roxas City Police Station Chief Police Lieutenant Colonel Aron Palomo nga magapabilin nga alerto ang hanay sang pulisya kag handa magresponde kun kinahanglanon agud mangin malinong kag matawhay ang nasambit nga selebrasyon.
Kapin 300 ka mga personnel ang iga-deploy suno diri sa magkatuhay nga lugar sa siyudad kun sa diin may pagahiwaton nga mga aktibidades.
Ini ang magahalin mismo sa mga katapo sang estasyon, kinatuhay nga augmentation forces kag iban pa.
Pahayag ni Palomo nga magapatigayon man sang random Oplan Bakal Sita ang mga kapulisan agud masiguro nga wala sang sinuman nga indibidwal ang magasabwag sang kalakasan samtang nagapadayon ang selebrasyon.
Sa pihak naman sang boluntaryo na lamang nga pagsuksok sang face mask sa outdoor kag indoor setting, nagpangabay ang mga otoridad sa pumuluyo sa pagsuksok sang face mask kun magtambong sa mga kahiwatan sa kapiyestahan agud mahilayo sila sa risgo sang pag-angkon sang balatian.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini ang gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ
