By: Joshua Kenneth Anas | November 14, 2022
Agud mapabilin ang katinlo kag katahum sang siyudad sang Roxas, luyag ni Roxas City Councilor Fernando Luis 'Bords' Viterbo nga himuon nga mas may 'ngipon' ang implementasyon sang lokal nga ordinansa natuhoy diri.
Sa sini nga kaangtanan, ginduso sang konsehal ang Comprehensive Anti-Littering Ordinance kag nagalaum nga paboran man sang iya nga mga kaupdanan sa konseho.
Sa ginpatawag nga public hearing, diri ginsaysay ni Viterbo ang importansiya nga mapahugot ang implementasyon sang ordinansa indi lamang sa mga tag-iya sang mga establisyemento-komersiyal kundi sa tanan nga pumuluyo.
Sarang lamang ini mahatagan sang katumana kun estrikto kag hugot nga ma-implementar ang mga penalidad sa mga taglapas sang pagsulundan.
Sa Section 2 sang nasambit nga ordinansa ginpat-od ang mga 'Prohibited Acts' sa paglinapta sang basura kag ang sinuman nga indibidwal ang magalapas sa Articles 2, 3, 4, 7, kag 8 nga amo ang Littering, Bodily Waste, Dumping, Dumping at Designated Garbage Collection Sites kag Scattering ang magabayad sang P500 para sa 1st offense; P1,000 para sa 2nd offense; kag P2,000 naman sa 3rd offense.
Para naman sa mga magalapas sa Articles 5 kag 6 nga amo ang Dumping by Establishments kag Dumping at Private Residences, pagahatagan sang written warning sa 1st offense; P2,500 nga multa sa 2nd offense; P5,000 nga multa sa 3rd offense; suspension sang business permit sang indi magnubo sa 15 diyas kag indi maglapaw sa 30 diyas para sa 4th offense; kag pagpasirado naman sang establisyemento sa 5th offense.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ!
