By: Joshua Kenneth Anas | December 14, 2022
Malipayon nga ginbaton ni Dao Mayor Jose Jimbo Barruela nagikan sa Department of the Interior and Local Government (DILG) sa ginhiwat nga 2022 National ADAC Performance Awards awarding ceremony ang pasidungog sa exemplary performance sang Anti-Drug Abuse Council sang banwa nga ginapamunuan mismo sang alkalde.
Duha gid lamang ka banwa nagikan sa Capiz ang nakabaton sang amo nga pasidungog kun sa diin kaupod sang Dao amo ang banwa sang President Roxas.
Suno kay Mayor Jimbo Barruela ginahalad niya ang panibag-o nga kadalag-an sa mga pumuluyo sang banwa kag ini magahatag pa gid sang dugang nga inspirasyon para mas mangin maayo ang pagdumala para sa padayon nga pagsulong sang banwa.
| via Nonong Jimbo Sulong sa Ikaayo/Facebook
