By: Joshua Kenneth Anas | January 3, 2023
Gin-activate na sang lokal nga gobyerno sang Roxas City ang Barangay Response Team para sa madasig nga pagresponde sa magakinahanglan nga pumuluyo.
Ini ang pananglitan nga magluntad ang pagbaha kasunod sang mamonog nga ulan dala sang Low Pressure Area (LPA).
Suno kay Roxas City Information Officer Mr. Melvin Galagate, nakahanda kag nakaalerto na ang magkatuhay nga kabaranggayan kun magkinahanglan sang bulig ang ila nasakupan nga pumuluyo.
Naka-standby man ang mga kagamitan sa pagresponde kag katapo sang City Disaster Risk Reduction and Management Office subong man ang City Social Welfare and Development Office kag City Health Office para sa relief goods sa magabakwit nga residente.
