By: Abe Ballos | December 13,2022
Guinpaidalum na sa operasyon si Rodora Dorado y Vinson, cashier sang Maribert Gasoline Station kag residente sang Barangay XI nga sa matandaan biktima sang pagpang hold-up kag shooting incidentsa Brgy. Lawaan sa isa ka pribado nga ospital diri sa Roxas City.
Sa exclusibo nga impormasyon nga nakuha sang Radyo Bandera Roxas , yara na sa istable nga kondisyon ang biktima,apang nagpamalibad lang sa paghatag sang impormasyon bangud sang kahadluk.
Nahibaluan nga halin sa Maribert gasoline station , buot kuntani nga magpadulong sa bangko ang biktima kaupod ang drayber agud maghulog sang ila kita sang gasolinahan.
Pilas sa wala nga kamot ang naangkon ni Rodora sa diin nahibaluan nga nabilin pa ang bala matapos nga ini ang wala naglapos.
Angut sini, nahibaluan dugang nga si Rodora ang kapin 20 anyos na nga nagapanarabaho kag makabig salaligan ni Mr. Roberto Alcazaren.
