By: Ej Arboleda | December 5, 2022
Ginsulod sang kawatan ang isa ka boarding house sa Barangay Dayao, Roxas City
Sandig sa mga tagreklamo nga sanday Aloudinnes Ducala, isa ka manunudlo, James Unasin kag Lawrence Cabatug lunsay mga estudyante, nga ginsulod sang wala pa matumod nga kawatan ang ila gina-istaran nga boarding house sa nasambit nga barangay.
Nataban sang kawatan ang kwarata, cellphone, alahas, wallet kag ang bisekleta nga nagabalor sang P40,000.
Gintumod man sang tagreklamo nga nakasulod ang suspek bangud sa pwersahan nga pagguba sang doorknob sa ila boarding house.
Nagapadayon na sa karon ang imbestigasyon sang kapulisan angut sa nasambit nga insidente.
