By: Abe Ballos | November 18,2022
Guinkumpirmar ni Board Member Jonathan Sonny Besa ang maayo nga balita para sa mga empleyado kag empleyada sang Gobiyerno Probinsiyal sang Capiz , labi na sa nagahilapit nga Holliday Season.
Suno kay BM Besa maluwas sa 13th Month Pay nga mabaton sang mga empleyado, may yara pa sang Collective Negotiating Agreement (CNA) nga 25k para sa mga regular nga empleyado kag 5k naman sa mga casual kag job hire nga empleyado.
Guinpahayag pa ni BM Besa , nga mahulat ini sang advice guikan sa malakanyang kung pila ang pwede nga igadugang nga benepisyo sang mga empleyado kag ini ang maga basi sa availability sang pondo .
May kaangtanan sa CNA ,guintuad man ni BM Besa nga may naka-alokar na nga pondo para diri, sa diin guinpainan na sa nagakaigo nga pondo tagsa ka tuig.
Hinali suno sa iya nga may yara sangdirektiba kag igadugang nga kaayuhan guikan sa malakanyang, may yara sang supisyente nga pondo ang Probinsiya.
Suno pa kay BM Besa mabaton ang 13th month pay antes ang katapusan sang NobIyembre 30 sa diin ang CNA naman ang guinahatag antes ukon pagkatapos sang Disyembre 15.
Guindugang pa sini nga personal sila nga nakahinala sang Gobernador sa diin maluwas sa maayo nga balita para sa mga empleyado kag empleyada sang Provincial Government,may igahatag man sa pila ka mga indibidwal,bilang pagpahalipay sa subong nga Holliday Season.
Ang administrasyon man subong suno sa iya ni Gov. Castro ang bukas sa pumoluyo,sa diin luyag sang Gobernador nga kung may mabug-at ka nga guinadala nga problema sa pagsulod mo sa kapitolyo, may yara ka sang yuhom ka nga bitbit pag guwa sa nasambit nga edipisyo
Ini ang gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼
