By: Ej Arboleda | December 5, 2022
Pilason ang isa ka iloy matapos nga ginbunggoan sang L300 Mitshubishi delivery truck ang ginasakyan sini nga Suzuki Smash nga ginamaneho sang iya bata sa Barangay Poblacion, Sapian, Capiz.
Ginkilala ang mag-iloy nga si Robina Garcia, 54 anyos kag Eric Garcia, 25 anyos nga lunsay residente sang nasambit nga barangay.
Nakilala naman ang driver sang salakyan nga si Manuel Lorenzo III, 50 anyos kag residente sang Km3 Barangay Lawaan, Roxas City.Sandig sa imbestigasyon sang Sapian Municipal Police Station nga ginasundan sang nasambit nga salakyan ang motorsiklo nga padulong sa direksyon sang Barangay Dapdapan.
Dugang pa sang otoridad nga may yara pa ginasundan si Garcia nga salakyan nga gulpi lang nagliko sa nawala nga bahin, rason nga nag-preno ini kag nabunggoan ni Lorenzo.
Bangud sini nahulog sa karsada ang iya angkas nga iloy kag nag-angkon sang pilas sa ulo. Madasig naman ini gindapatan sang pagbulong kag gindangat sa ospital.
