By: Ej Arboleda | December 6, 2022
Patay ang isa ka senior citizen matapos nga ginhatok hatok labo sang iya kaugalingon nga utod sa Barangay Malocloc Norte, Ivisan, Capiz.
Ginkilala ang biktima nga si Tomas Bacarro, 61 anyos samtang nakilala naman ang suspetsado nga si Dioscorro Bacarro 46 anyos, lunsay residente sang nasambit nga lugar.
Sandig sa inisyal nga imbestigasyon sang Ivisan PNP, may nagpatunga nga indi paghangpanay sa mag-utod nga Bacarro rason nga ginsumbag sang magulang ang manghod kaina sang aga.
Apang, sa pagbalik ni Dioscorro pagkahapon, naka-inom na ini sang makalahulobog nga ilimnon kag ginhangkat sini ang magulang nga si Tomas sang inaway.
Gilayon naman nga ginpalapitan sang magulang nga may dala nga armas luthang kag ginhampak sa ulo rason nga natumba ang manghod.
Madasig naman nga nakagabot sang binangon si Dioscorro kag ginhatok hatok labo si Tomad nga nag-angkon sa patal nga pilas sa lawas.
Sa karon nakahunong na sa Ivisan Municipal Station ang suspetsado kag natalana nga pasakaan sang naka-igo nga panumbungon.
