By: Roldan Villareal | November 8, 2022
Naglab-ot lamang sa masubra 1,000 ang numero sang mga estudyante nga aplikante sa Capiz Scholarship and Educational Assistance Program (CSEAP) ang nakapasar sa written examination.
Suno sa tagpamuno sang Committee on Education nga si Board Member Thea Faith Reyes, ginakasubo sini nga gikan sa kapin 8,000 ka aplikante sa nasambit nga programa, masubra 1,100 lamang ang nakapasar sa written examination.
Wala mahibaluan ni Reyes ang rasun kun ngaa tuman ka nubo ang numero sang mga nakapasar sa pasinawan.
Namutikan sini sa paglibot sa mga testing centers nga may mga aplikante nga gindali-dali ang pagsabat sa exam kag indi seryuso sa pag apply sa nasambit nga programa.
Samtang ang mga nakapasar sa written exam ang na qualify na para sa interview nga nagsugod na sang Nobyembre 5 tubtob 6 sa first district kag magapadayon sa Nobyembre 12 tubtob 13 sa Segundo distrito.
Ginahinalaan naman sini kaupod si Governor Fredenil Castro kag Vice Governor Jaime Magbanua kun ano ang masunod nga pagabuhaton matapos madamu ang wala makapasar sa pasinawan. Apang indi sang mga ini luyag nga ma apektuhan ang intigridad sang programa agud mapabilin ini nga patas para sa tanan ilabi na sa mga kabataan nga pigado apang nagatimakas sa pagtuon.
Nahibaluan nga 4,500 ka slots ang bakante sa nasambit nga programa.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ!
