By: Joshua Kenneth Anas | November 25, 2022
Nagpasalig ang pamunuan sang MBM Construction nga ginapanag-iyahan ni Mayla Muyco nga pagaliwaton nila ang konstruksiyon sang nag-collapse nga Riverside Promenade Phase III sa Washington Street, Barangay VI, Roxas City.
Sa ginpatawag nga pulong balitaan ni Roxas City Mayor Ronnie Dadivas, ginpasalig ni Engr. Richard Villareal, representante sang kontraktor sang proyekto, nga handa sila nga trabahuon liwat ang nasambit nga proyekto sandig man sa mangin rekomendasyon sang independent committee nga nagpatigayon sang imbestigasyon kag naghibalo sa gintunaan sang nasambit nga insidente.
Pahayag sini nga kun magtalana man sang ‘time period’ ang lokal nga gobyerno, handa sila magdoble-kayod para sa madasig nga pagtapos sini.
Suno pa sa iya nga kun pasugtan lamang sang alkalde, magatrabaho man ang ila mga trabahante bisan gab-i.
Ginklaro man ni Villareal nga wala sang pagagastuson bisan piso ang lokal nga gobyerno sa pagliwat sa proyekto bangud paga-abagahon ini sang kontraktor.
Ginpasalig man sini sa publiko nga kun mahuman ang proyekto, mangin mapag-on ini kag wala sang dapat nga kulbaan ang mga magalabay ukon magapadulong sa riverside esplanade.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
