By: Roldan Villareal | November 14, 2022
Ilabi pa nga pasangkaron ang mga lihok agud padayon nga ma amligan ang dunang manggad sang probinsya sang Capiz.
Suno kay Governor Fredenil Castro, antis pa ini pormal makapungko bilang gobernador sang probinsya, nakita na sini ang pag abusar sang pila ka indibidwal sa dunang manggad sa kabukiran kag kadagatan.
Nagakahangawa ini suno sa iya nga wala na sang maabtan ang ulihing tubo rasun nga nagakadapat nga ma amligan ini para sa benepisyo sang kadamuan.
Suno pa kay Castro, gilayon sini ginmando sa iya pagpungko ang pagpauntat sang tanan nga sahi sang quarry operation sa katuyuan nga masiguro nga mangin responsable kag nagasunod sa kasuguan ang mga ini antis makabalik sa operasyon.
Nagtukod man ini sang pinakauna nga Provincial Bantay Dagat nga amo ang magabulig sa pag amlig sa kadagatan sang probinsya batuk sa mga naga abuso.
Ginadihon naman sa karun ang plano nga malapnagon nga pagpananum sa naga kakalbo na nga kabukiran kag pag padalum sa kasubaan agud mapahagan-hagan ang pagbaha.
Nagapati si Governor Castro nga sa bulig kag kooperasyon sang pumuluyo, padayon nga ma amligan ang dunang manggad sang probinsya agud ini ang maabtan pa sang mga ulihing tubo.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
