By: Joshua Kenneth Anas | November 6, 2022
Padayon sa pagbaton kag pagproseso sang Calamity Loan application ang talatapan sang PAG-IBIG Fund para sa ila mga miyembro nga nabiktima sang bagyo Paeng sa probinsiya sang Capiz.
Ini ang ginpahayag ni PAG-IBIG Fund Roxas Branch OIC/Head Mr. Rolando E. Gilo sang mainterview sang Radyo Bandera Roxas.
Suno kay Gilo, ang nasambit nga programa ang kasunod sang ginpapanaog nga Proclamation No. 84 nga ginpaguha sang Palasyo sang Malacaรฑang sadtong Nobyembre 2, 2022 nga pirmado ni Presidente Ferdinand Marcos Jr. nga nagadeklarar sa pila ka lugar sa pungsod, kalakip na ang Western Visayas, sa 'state of calamity' bangud sa halit sang nasambit nga kalamidad.
Sa nasambit nga programa, kwalipikado ang isa ka miyembro kun ini ang: (1) may yara sang at least 24 ka bulan nga savings nga may at least isa ka remittance sa sulod sang anum ka bulan antes sa pag-file sang loan application; (2) updated sa iya balaydan para sa Housing Loan, Multipurpose Loan ukon Calamity Loan; kag (3) isa ka residente sa lugar nga napaidalom sa state of calamity.
Mahimo nga mag-file sang loan application pinaagi sa: (1) Virtual PAG-IBIG (online filing); (2) pagpa-schedule sang loan application pick-up sang employer representative; kag (3) pagpadulong sa talatapan kag pag-file over-the-counter.
Ang nasambit nga loan program ang may manubo lamang nga interes nga 5.95% kada tuig nga mahimo bayaran sa sulod sang duwa ukon tatlo ka tuig.
Sa katapusan, ginganyat ni Gilo ang tanan nga kwalipikado nga mag-miyembro nga mag-avail na sa nasambit nga programa ilabi pa nga 90 diyas lamang ang gintalana nga availment period humalin sang gindeklarar ang state of calamity.
Mahibaluan nga nagsugod ang pagbaton sang aplikasyon sang talatapan sadtong Nobyembre 2, 2022 kag magatakop ini sa Enero 31, 2023.
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
๐๐๐๐๐๐๐ฃ๐๐๐ง๐ ๐จ๐๐ฃ๐ ๐ข๐๐ฉ๐ช๐ค๐ ๐ฃ๐๐ ๐จ๐๐ง๐๐๐จ๐ฎ๐ค ๐ฅ๐ช๐๐ก๐๐ ๐ค ๐ ๐๐ ๐ ๐๐ก๐๐ฃ๐๐๐ฌ๐๐ฃ, ๐จ๐ ๐๐ง๐ค๐๐๐ฃ๐จ๐ฎ๐ ๐จ๐๐ฃ๐ ๐พ๐๐ฅ๐๐ฏ, ๐๐ผ๐ฟ๐๐ ๐ฝ๐ผ๐๐ฟ๐๐๐ผ!
