By: Roldan Villareal | November 8, 2022
Ginpat-od sang tagpamuno sang Committee on Education sang Sangguniang Panlalawigan nga wala sang pamulitika sa pagpatuman sang Capiz Scholarship and Educational Assistance Program (CSEAP).
Suno kay Board Member Reyes, luyag sini tadlungon ang isyu nga ginapaguha sang pila ka indibidwal angut sa nasambit nga programa.
Ginpahayag pa ni Reyes nga mismo ang mga aplikante ang makapamatuod wala ginahinalaan ang pulitika sa pag apply sang mga estudyante tubtob sa written examination kag interview. Wala man sang ginapangayo nga rekomendasyon nagikan sa mga opisyal antis maka apply sa nasambit nga scholarship program.
Ginpasalig man ni Reyes nga magapabilin nga patas, transparent kag bukas sa tanan ang nasambit nga programa bangud indi sang mga ini luyag mabutang sa alang-alang ang integridad sang scholarship program sang gobyerno probinsyal nga nagatuyo lamang makahatag sang oportunidad sa mga kubos apang pursigido sa pagtuon nga mga Capiznon.
Nahibaluan nga gikan sa kapin 8,000 ka mga aplikante, masubra lamang 1,000 ang nakapasar sa written examination kag nakapadayon para sa interview nga amo ang katapusan nga stage antis ma qualify sa Scholarship and Educational Assistance Program. | Photo by Capiz Provincial Government Communications Group
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
