By: Abe Ballos | November 18,2022
Guinrekomendar sang mga katapo sang Sangguniang Panlalawigan kay Governor Fredenil Castro ang pagpapanaog sang "Show Cause Order" kay PDRRMO Head Judy Grace Pelaez.
Ini ang guinkumpirmar sa Radyo Bandera Roxas ni Board Member Jonathan Sonny Besa.
Suno kay BM Besa responsibilidad ni Ms. Pelaez nga mag-perform sang iya trabaho bilang LDRRMO IV sang Provincial Government kag aktuhan ang iya obligasyon bilang hepe sang Provincial Disaster Risk Reduction and Management Office (PDRRMO).
Natalupangdan suno kay BM Besa nga sang nagpanalasa ang Bagyo nga Paeng sa Capiz,wala makit-an ang presensiya ni Pelaez partikular na sa mismo pagpadulong sang mga Board Members sa talatapan sang PDRRMO sa pagdihon sang pila ka paghinun-anon angut sa pagpanalasa sang bagyo.
May kaangtanan sini, guindugang ni BM Besa nga sa iya pagkahibalo, nakahatag na sang sabat si Ms. Pelaez sa talatapan sang Gobernador sa diin ila nga pagahulaton ang kaungdan sini.
Mahimo man suno sa iya nga maga-patigayon sang pag-imbestigar ang Investigating Body nga pagatukuron sang Gobernador agud mahibaluan sang tul-id ang kasaypanan sang PDRRMO Head sa guinakabig sini kapabayaan sang responsibilidad bilang empleyado sang gobiyerno.
Ini ang gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
