By: Abe Ballos | December 8, 2022
Nagadamo pa ang government financial institutions nga magahatag sang pondo para sa pungsudnon nga pabahay program sang gobiyerno.
Sa Laging Handa public briefing, guinpahayag ni Department of Human Settlements and Urban Development (DHSUD) USec. Avelino Tolentino nga magahatag man ang SSS, LandBank of the Philippines kag Development Bank of the Philippines (DBP).
Nagalaum naman si Tolentino nga magahatag man sang developmental loans ang iban pa nga government financial institutions bilang suporta sa housing program.
Sa karon , kabug-osan nga 28 ka lokal nga gobiyerno ang nagpirma na sang memorandum of understanding para sa programa.
