By: Ej Arboleda | December 5, 2022
Arestado ang isa ka tricycle driver matapos ginserbihan sang warrant of arrest sang mga kapulisan sa Barangay Lawaan, Roxas City.
Ginkilala ang arestado kay Ogie Boy Velarde alyas “Toti”, 35 anyos nga residente sang Sitio Narra, Barangay Punta Tabuc sining syudad.
Ginpapanaog ni Eric Anthony Dumpilo, Acting Presiding Judge sang Regional Trial Court, Branch 14 Roxas City ang warrant batuk sa akusado sang Disyembre 1, 2022.
Ginrekomendar naman sang korte ang P72, 000 nga piyansa para sa temporaryo nga kahilwayan Velarde.
Nagapabilin karon sa karsel sang Roxas City Police Station ang nasambit nga akusado.
