By: Abe Ballos | December 9,2022
Guin deklarar nga 1st prize winner si PPTT TODA President Renato Bitoon sang sa guinpatigayon nga labing una nga TODA Lights competition sa banwa sang Pontevedra.
Ini ang nagbaton sang P5 mil ka peso bilang premyo sa nasambit nga paindis-indis.
2nd prize winner naman ang ILAP TODA nga guin-representar ni JOJIT ABOOL, nga naka baton sang tatlo ka libo pesos (3,000), kag 3rd Prize winner ang TACPO TODA nga guin-representar ni LAZ WOLMAR CAVANILLA nga nakabaton sang duwa ka libo pesos (2,000).
Tanan nga partisipante ang nakabaton naman sang tig 1000 ka pesos bilang consolation prize.
Ini nga paindis-indis guin –patigayon agud mahatagan importansya kag kilalahon sa banwa sang Pontevedra ang mga informal sectors kapareho sang mga TODA nga amo ang isa sa mga nagabulig nga mapa uswag ang ekonomiya sang nasambit nga banwa.
Nangin madinuagon ang nasambit nga kompetisyon sa pagpanguna ni Mayor Henry Tumlos kaupod ang talatapan ni Municipal Administrator Joenifer Tumlos subong man ang PUBLIC EMPLOYMENT SERVICE OFFICE (PESO) sa pagpamuno ni anay SB Member Allan Catalan.
