By: Joshua Kenneth Anas | November 25, 2022
Ginpasalig ni Mayor Ronnie Dadivas nga liwaton kag tapuson ang Riverside Promenade Phase III sa Washington Street, Barangay VI, Roxas City kasunod sang natabo nga pag-collapse sang porsyon sini sadtong Nobyembre 11, 2022.
Sa iya ginpatawag nga pulong-balitaan, ginpahayag sang alkalde nga matapos ang natabo, gintuman sini ang iya una ginpasalig nga gilayon nga imbestigaran ang insidente sa sulod sang pito ka adlaw sa bulig sang iya gintukod nga independent committee.
Gilayon siya nga nagpakigsapol sa komitiba, nga ginsundan sang ila inspeksiyon kag imbestigasyon kun sa diin natigayon nga matumod ang kabangdanan sang pag-usmod sang proyekto.
Bangud ginpahayag sang komitiba nga mangin nangin kakulangan ang MBM Construction nga ginapanag-iyahan ni Mayla Muyco, ginpasiguro ni Mayor Dadivas nga wala sang dugang nga gastuson ang gobyerno sa pagligwat sini bangud wala pa man ini naturn-over sang kontraktor.
Pahayag dugang ni Dadivas nga ang nasambit nga hitabo ang isa ka kahigayunan agud makatuon nga mas paayuhon pa gid ang mga proyekto sang gobyerno.
Nagasalig man ang alkalde sa City Engineer’s Office kag sa kontraktor sang proyekto nga ilabi nga paayuhon ang trabaho sa nasambit nga proyekto.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
