By: Jolito Valles Borda | January 5, 2023
Pilason ang mag-asawa matapos nga nadisgrasya sa ginasakyan nga motorsiklo sa National Highway sang Barangay Poblacion Ilawod, Dumarao, Capiz.
Ang wala na ginhingadlan nga mga biktima ang residente sang Barangay Guinotos sang nasambit nga banwa.
Ginapahayag nga papauli na kun tani ang mag-asawa apang wala sang mga ini nadiparahan ang dako nga buho sa nasambit nga dalan nga nagresulta sang ila pagsimplang sa motorsiklo.
Nag-angkon ang mga ini sang pilas sa magkatuhay nga parti sang lawas nga gilayon man gidapatan sang pagbulong sang mga nagrespondi nga rescue team sa lugar.
Mahibaluan nga madamo na sang nadisgrasya sa nasambit nga dalan kag ginpalab-ot naman ini sang mga nabiktima sa lokal nga gobyerno sang nasambit nga banwa.
