By: Jolito Valles Borda | November 4, 2022
Ginpasakaan na sang panumbungon nga Attempted murder ang mag-utod nga nagtiro sa ila paka-isa sa Barangay Cogon, Panay, Capiz sang damlag lang.
Matandaan nga nag-angkon sang pilas sa abaga ang biktima nga si Richie Roda 47-anyos sang maigo sang bala sa pagluthang sang iya pakai-sa nga si Rey ‘Toting’ Berrey kag ginpadangat sa ospital.
Nalakip sa ginpasakaan sang kaso ang kapid ni Toting nga si Roy ‘Kano’ Berrey nga yara man sa lugar nga ginaalegar may bitbit nga hinganiban kag may malain nga tinutuyo sa biktima.
Nakahunong tubtob sa karon ang mag-utod sa Panay PNP, samtang ang biktima ang nagapabilin naman sa ospital matapos nga nagpaidalum sa operasyon sa pilas nga naangkon.
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
