By: Jolito Valles Borda | December 8, 2022
Pilason ang isa ka mangingisda matapos nga natiruhan sang ‘Indian Target’ sa Sitio Nipa, Barangay Culasi, Roxas City.
Sa imbestigasyon sang Roxas City PNP, ginkilala ang biktima nga si Dan Copreros 29-anyos, samtang ang suspek amo si Rio Acat, legal ang edad kag lunsay mga residente sang nasambit nga lugar.
Ginapahayag nga samtang, yara sa guha sang ila balay ang biktima, gintiro ini sang suspek gamit ang Indian target kag naigo sa sentido, butkon kag sa idalum sang tuhod.
Ginaalegar pa sang biktima nga ini ang ginlampusan sang baseball bat ni Acat kag naigo sa abaga.
Gindapatan man sang pagbulong sang rescue team ang biktima kag gilayon nga ginpadangat sa ospital.
Madasig naman nga nagpalagyo ang suspek matapos sini nakumiter ang krimen.
Ginatan-aw sang kapulisan nga motibo sa krimen ang daan nga away sa magtimbang nga bahin.
