By: Jolito Valles Borda | January 4, 2023
Arestado ang isa ka mangunguma matapos nga ginserbihan sang warrant of arrest sang kapulisan sa Barangay Bula, Mambusao, Capiz.
Ginkilala ang akusado nga si Rodulfo Lanag Jr. 41-anyos nga residente sang nasambit nga lugar.
Kaso nga paglapas sa Republic Act No. 9262 ukon Anti-Violence Against Women and their Children Act of 2004 ang ginapangatubang ni Lanag.
Ang nasambit nga warrant of arrest ang gin-isyu kag pirmado ni Judge Rusty Naya sang Regional Trial Court, 1st Judicial Region, Branch 51, Payog, Pangasinan nga napetsahan sang Nobyembre 3, 2017.
Ginrekomendar naman sang korte ang P10,000 nga piyansa para sa temporaryo nga kahilwayan ni Lanag.
