By: Jolito Valles Borda | December 18, 2022
Patay ang 31-anyos nga mangunguma matapos nakuryente sa Barangay Jumaguicjic, Roxas City kaina sang aga.
Ginkilala ang biktima nga si Digo Capapas kag residente sang nasambit nga barangay.
Sa pagpangusisa sang Radyo Bandera Roxas sa lugar, nadiparahan na lang ang biktima nga nagakaya kag wala na sang kabuhi.
Ginapahayag nga nagpang-spray pa ang biktima sa uyapad kag ginapatihan nga gin-alsa sini ang manubo nga linya sang duplex wiring agud maka-agi apang ini ang nakuryente nga gintunaan sang iya kamatayon.
Makita pa sa lugar nga dala pa sang biktima ang 'knapsack sprayer' nga iya ginhigdaan kag nagakapot pa sa wiring.
Nagapadayon pa sa karon ang imbestigasyon sang kapulisan angut sa nasambit nga insidente.
